اسلام عيسي (ادخل واساله اي سؤال في نفسك)

ايه اكتر خبر خلاك طاير من الفرحه

موضوع: جاوب يا اسلام الجمعة سبتمبر 26, 2008 6:59 am

ربنا يغفر له ويرحمه ويسامحه ويدخلنا ويدخله الجنه باذن الله
انا بقى هسالك يا صحبى سؤال كان نفسى اسالهولك من زمان بس تجاوبنى بصراحه
ايه اصعب موقف قابلك فى حياتك اثر فيك جامد واتصرفت فيه زاى اواستفدت منه ايه ؟؟؟؟؟؟؟؟؟؟

انا حبيت حد قوي اوي واديته كل حاجه من حبى ليه ومره وااحده كدا لقيته اتكبر عليا و مش بقى معاايا زى الاول ولا محتاجنى زى الاول وبقى غريييب جداا واتعاملت معااه انى مش حاولت اكلمه تانى ودا كان صعب عليا جدااا بس الحمد لله ربنا صبرنى ..وبجد استفدت ان مش كل واحد يقولك بحبك يبقى ..................................

يا اسلام انت لما عملت المنتدى ده كان نفسك مين بالذات يسجل فى المنتدى ده

بصرااااحه كان نفسي كل اصحااابى يبقواا معاايا في المنتدي داا بسكان نفسي اكتر واااحد يدخل اسمه بيبووووو او محمود ربيع ...ههههههه بس ليه السؤال دا يا عاادل

عادى يا صحبى اهوه سؤال

اوكى يااسلام انت ايه اكتر امنية اتمنيتها ليك زمان ومش اتحققت وكنت تتمنى انها تحصل ولو لسه قدامك فرصة تحققها هتعمل ده ولا لاء ؟؟؟؟؟؟؟؟؟؟؟؟؟؟؟؟؟

كنت بحلم زماااان وانا في الثااانوي انى ادخل هندسه ..لكن دا كاان عشم ابليس في الجنه هههههههه ...ولو جاتلى الفرصه دي دلؤتى مش هرضى انى ادخل هندسه لأن الحمد لله ربنا كرمنى بكليه السياحه والفنادق وكمان شغل جامد الحمد لله

ادمنا العزيز انا مس هسال اسئلة زي اللي اتقالت
انما سوالي بسيط او عدة اسئلة بسيطة
س1/موقف محرج ولغاية دلوقتي مش قادر تمحية من ذاكرتك؟
س2/موقف مضحك وكل لما تفتكرة تفضل تضحك علي نفسك؟

ماشى يا بنت العفاسي انا هجاوبك بس مش تتضحكى عليا

الموقف المحرج انى مره واحد صاحبى اوي كسفنى ادام ناس كتيره بالرغم انى مش كنت غلطاان ولا حااجه
والموقف اللى بيخليني اضحكك كل ما افتكره ان حصل مره مع واحد اعرفه بدون اسماء

انه دخل غرفه الدردشه بتاعت منتدانا ولقى مش فى حد خااالص غير واحد بس وكاان غائب ..مع العلم انه مش كان يعرف يعنى ايه غائب .. فقعد يكلم فيه يكلم فيه وطبعا مش كان بيرد عشان كان غائب ..ومره واحده كدا انا دخلت على الشاات ولقيته قولتله بتكلم مين داا كله قالى بكلم العضو (غائب) ومش بيرد عليا ..سمعت الكلمه دي وجالى ضحك هستيييييييييييييييييييري مش قدرت امسك نفسي

ميرسي على سؤاالك

ههههههههههههههههههههههههههه حلو الموقف اسم العضو غائب هههههههههههههه

ياهلا ياهلا ..منور البيت بيتك يا اسلام
lol!

اسئلتى سهلة وبسيييييطة ومش مكلكعة خاااااااالص
اول سؤال:رايك فى الشخصيات دى
فوكس فون jocolor

بكار

أنوشة

انجل

وبسسسسسس
تانى سؤال:مين أكتر عضو بتحب تقرا ردوده
واكتر عضو بتحب تقرا مواضيعه؟؟؟
قرررررر واعتررررررررررف
بس خلااااص ..شفت ازاى؟؟
واخر الكلام سلام

اول وااحد فوكس فون لتخريب التليفوون / دا صديقى وزي ما بيقولوا انتيمي من واحنا صغيرين ..احنا اصحاااب جداا لدرجه مش تتوقعووها وهو شخص جدع وراجل وبيقف معاك لو حصل ايه

تانى وااحد بكاااااار / بكار دا زي العسل مش عشان هو قريبي لأ هو بجد واد سكر وجدع برده مع انه اصغر منى بس كلامه كلام ناس كباار

التالته انوووشه / انوشه اللى هو انتى شخص محترم وهاادي ومتفوق مش عشان ساامح لا والله واتمنالك السعاده دايما يا انوش..

والرابعه الرومانسيه انجل / انجل بنت باين عليها جدعه ورووومانسيه جداا جداا جداا بس انا مش عاارف كتير عنها عشان مش كلمتها كتير بس هى طيبـــــــــــه اوي

**********************************************************

انا بحب بصرااحه ردود احمد عادل اللى هو شخصيه جميله اوي وحبيب هااارتى حسام الامير والشاعر الولهان الجميل احمد يحيي

وبحب اشوف مواضيع ضي القمر اللى هي هايله جدااا في موااضيعا

واهدي رساله شكر لأخواااتى اعضاء المنتدي اللى ساعدونى
كما اهدي الاغنيه دي لاسرتى واخواتى واصحاابى ..هههههههههه

ميرسي ليك يا اسلام علي الكلام الجميل ده
بس بجد بجد بجد انا بعتبرك اكتر من اخويا

ربنا يخليك لينا يا حبيب هارتى
يا احلى اسلام ف الدنيا

وعقبال يارب اشوفك وزير السياحه بس ابقى افتكرنا هههههههههه

حبيب قلبى انا كل يوم بسأل نفسى هو اسلام بيحبنى ادايه
ياترى هو انا غالى عليه ولا ايه
ياريت يكون حاططنى جوه عنيه
ياسلام هو انا اطول اكون جوه قلب اسلام بيه
ياليالى خليكى معايا واشهدى عليه
وقوليله مين اللى دايما حبه وكان بيسهر اليالى ليه
كل يوم بدعى ربى انه يخليه ليه ويخلينى ليه
ياحبيب هارتى انا هارتى عمل بارتى عشاان انتا بقيت جواه وليه
وياريتك تعرف اد ايه قلبى انتى غالى عليه

اهداء الى احلى احلى صحابى.....

ربنا يخليك يا قمر ..انا مكسوو ووف اوي منكم ميرسي

بالنسبة لموقفك يا اسلام احب اقولك "أن يطعنك أحد في ظهرك فهذا أمر طبيعي لكن أن تلتفت فتجده أقرب الناس اليك فتلك هي الكارثة"

ميرسى على الكلام الحلو ده يا اسلام

استاذ اسلام انا عندي ليك سؤال واحد وبسيط خاااااااااالص
انت ليه عملت المنتدى ده؟؟؟

انا عملت المنتدي داا عشان كنت عايز افتح عقول الشبااب الجيل دا اللى مش همهم الا هههههههههه انتوا عااارفين..بس دا كان هدف من وسط اهدااف وكان هدفى كمان اننا نجمع اكبر عدد من الاعضاء و نشوف اوجه نظرهم وكااان برده هدفى اننا نتعرف على بعض ونكوووون اصحااب مع بعض ..هههههههه كفاايه كدا وميرسي على سؤالك الجميل داا

انا بقى عااااااايزة اسالك سؤاليييييين 1 _كام واحد خانوك ولد او بنت وممكن تسمحهم تاااااااااانى ولا ؟؟؟ 2_انت مدايق انى اشتركت فى المنتدى بتاااااااعك ولا اييييييييييية ؟؟؟ وياااااااااااااااااريت تجاوب بصراحة

اول حااجه ميرسي على اسئلتك وعايز ارد على اول سؤااال

الحمد لله يا برنسيسه انا عمري ما حد خاننى ولا خذلنى عشان انا بجد مش بحب اخووون حد ...وكلمه الخيانه دي اصلا تقيله وكبيره اوي مفيش اي حد يقدر يستحملها ويارب ربنا ما يوعدنا بحد يخوننى سواء من صديقه او حبيب ..

تانى سؤاال انا مش ممكن ادايق بدخووول اي عضو في المنتدي بالعكس انا نفسي يزيدوا مش يقلوواا ...و فرحت اكتر ان البرنسيسه اللى شرفتنا هى انتى ماي فرند ..ميرسي يا باشا على اسئلتك واتمنى ليكي العضويه الفعااله ان شاء الله

ايه يا صاحبى الاخبار
بس هو سؤال واحد فقط
ايه الشىء اللى انت بتتمنى انه يحصل
ياريت تفهم قصدى

ممممممممممممممممممم

بتمنى انى ارجع لأيام زمااااااااااااان الابتدائي والاعدادي والثانوي عشان اشوف كل اصحااابي تانى

ميرسي يا تيربل على سؤالك

» بكار 2010 (ادخل واساله اي سؤال في نفسك)
» ادخل و اختبر نفسك :لغز جميل و مسلي
» جالك يوم يا love for ever2010 الحق ادخل واسأل ال في نفسك؟؟؟
» تخيل نفسك جهاز كمبيوتر هتعمل ايه ؟؟؟؟؟ موضوع جامد طحن ادخل وشوف
» اختار سؤال من 23 سؤال وجاوب عليه