طيب تماااااام..اللى يسأل عليا يا جدعان قولوله أنا مش هنابقى كدة يا اخوانا ايه الأسئلة ال"تييييييييييت "دى؟؟ حتى أنت يابروطس..أحم يا اسلام ؟؟ههههههههههوانا اللى فاكراك ننيجا ..طلعت ترتر !!!!!!!!!! - Islam eisa كتب:
يا جامده يا انجل ايه الاسئله دي انا قولت نعذبها مش نقتلها المهم انا هسأل اسألتى اللى طبعا معروفه انها سهله ومش فيها لف خالص
صح ههههههههههه !!
الاسئله بتقول /
انتى حياتك حساها جميله !!!! ولا يعنى !!!! ولا ممله وليه ؟؟؟؟
انتى قلبك دق قبل كداا مع حد من الحدووود ههههههههههه صح؟؟؟
ايه اكبر غلطه في حياتك ؟؟؟
ايه الموقف اللى مش عايزاه يتكرر تانى معاكى ؟؟؟؟
ايه اكتر حكمه اتعلمتيها في حياتك ؟؟ واكيد كان ليها موقف ياريت تقوليه ؟؟؟
انتى قبل كدا عشتى لنفسك ؟؟
انوش انتى بتعرفى تسامحى ؟؟ سامحتى مين قبل كدا (غير سامح طبعا هههههههه) ؟؟؟
انتى اكيد عيطتى في حضن مامتك قبل كدا !! كان ايه السبب وبصــــــــــــراحه ؟؟؟
انتى ممكن تصدقى نفسك او بمعنى تانى بتثقى في نفسك وكام نسبه الثقه دي ؟؟؟
بس كدا عشان انا مش بعرف اسأل اسئله كتيره
حياتى حاساها جميلة واللا لا؟
من أولها كدة ؟؟
طيب حتى الأن أنا بعتبر حياتى جميلة طول ما الكل بيحبونى والخ والخ الخ الخ
الى اخر هذا الكلام.. واللى احنا حافظينه من زماااان
وان كنت بحس انى نظامى فى الحياة مختلف عن ناس كتييير
يعنى طريقة تفكيرى والحاجات اللى بحبها واهتماماتى و معاملاتى مع الناس..مش من السهل انى ألاقيها فى اى حد.وغالبا
بتبقى مش مفهومة لناس كتير
مثلا مثلا يعنى..أنا بحب أسمع لوجيه عزيز ولفيروز ولعايدة الأيوبى وفرق زى بلاك تيما مثلا
واكييد طبعا الكنج: منير
الاسامى دى لما بقولها لحد ..بيبصلى باسبهلال وكأنى مخلوق غريب جاى من كوكب المريخ
لييييييييييه ؟؟الله أعلم!!
بس ..عشان كدة انا ما اقدرش أحكم على حياتى ..انما اقدر أقول رايي فيها حسب وجهة نظرى
اييه الكلام الغريب اللى بقوله ده؟؟
تانى سؤال
قلبى مادقش قبل كدة مع حد من الحدود ..ولاسبت من السبوت
ههههههههههههه
بس ده لانى حاسة ان الموضوع ده بالذات لازم لما ييجى ..ييجى على رواقة كدة وابقى متاكدة منه على الاقل عشان
ماينتهيش ..ده غير انى لازم اتاكد ان الشخص ده ..هوه فعلا اللى هيكملنى
وبعدين انا من واقع تفحيصى وتمحيصى وما الى ذلك-حلوة الحتة العربى الفصحى دى-انى لقيت انه اغلب العلاقات دى مش بتستمر -فى سننا ده على الاقل -وبتتقلب بعد كدة لكره شديد للشخصية
والله أعلم
بس انا براحتى خاااااااالص فى الموضوع ده ، يعنى عايزاه ييجى على مهله خالص ..عايزاه لما ييجى يبقى احلى قصة حب اعيشها فى حياتى..ما اندمش عليها بعد كدة نهائى
ولسة عندى كلام كتير عايزة أقوله فى الموضوع ده ..بس مش عارفة هتستحملوا رغيي واللا اييييييييييه؟؟
بس اكدب عليك لو قلت انى ما اعجبتش بشخصية ناس قبل كدة
انما الموضوع كان اعجاب بالشخصية بتاعة البنى ادم ده -اخلاقه صفاته كدة يعنى-..مش حب يعنى..
تالت سؤال :
أكبر غلطة فى حياتـــــــــــــــــــــــــــــــــــــــــــــى !!!!
ياساتر
انا كل اللى عندى هما خمستاشر سنة يعنى لسة فى بداية حياتى..مش من أولها كدة انى ابتديها غلطات
صح واللا انت ايه رايك؟؟
رابع سعال :
موقف ما اتمناش انه يتكرر معايا تانى
هوه انى اخسر صديقة عزيزة على قلبى ايا كانت شخصيتها ..بس انا اكتشفت انه مفيش اصعب من انك تخسر حد عزيز على قلبك..وبرضه مواقف الاحراجات يعنى
مثلا مثلا يعنى زى الوقعات الكتيييييير اللى بتحصلى
ههههههههههههه
أكتر حكمة اتعلمتها فى حياتى:
لو لم أكن مصريا لوددت أن أكون من أى حتة تانية
ههههههههههههه
لالا بجد الحكمة اللى بؤمن بيها ...هما كتيييييير منهم مثلا
هيه حكمة فيما معناها:
انه أصعب شعور بالوحدة لما يكون الكل من حواليك وبرضه تحس انك وحيد
وموقفها انى كتيييير بحس بالوحدة رغم انى صحابى حواليا ...لكن كتير بحس انهم مش فاهمينى
او على الاقل مش قادرين يوصلوا لشعورى مظبوط ..بس رغم كدة بحبهم ومقدرش أزعل منهم
وحكمة من منير بتقول :
"حلمك لسة فى ايديك..حاول ما يموتش فيك"
وحكمة تانية بتعبر عنى بتقول
ساعات أحب حاجات ..ما يحبهاش غيرى
فى الرايحة فى الجايات..بغنى مع طيرى
وموقف الحكمة الاخيرة هوه انى بحس انى فية حجات كتير مختلفة عن غيرى
بسسسسسس
ونخش فى السؤال السادس:
بصرااحة مش فاهمة السؤال !!
نسيب السادس وندخل فى السابع:
بص يا ابو اسلام
بصرااااحة شديدة انا مش بعرف اسامح بسهولة ..أو على الأقل حتى لو بينت للشخصية دى انى مش زعلانة ..لكن من جوايا انا بيبقى صعب انى ارجع فى معاملتى معاها زى ماكنا
باخد جنب منها يعنى
وبعدين انا فيا عيب مش عارفة أغيره:
انى ممكن ازعل من حد بسهوولة ..ومش من السهل انى اسامحه
ونقول ثامنا:
بكيت كتيير فى حضنها والاسباب كانت أكتر..لكن صعب انى افتكر موقف بعينه ..
"على فكرة انا بنسى المواقف بسهوولة جدا..يعنى موقف بينتهى وبتنتهى معاه كل الشخصيات والاحداث اللى فيه ...ومش هفتكرها الا لو جات سيرته مثلا "
يااااااااه اخيرااااان اخر سؤال
واى نعم هوه سؤال لولبى زيادة عن اللزوم..لكن أنا باثق فى نفسى جدااااااااا ..لكن مش للدرجة اللى توصلنى للغرور مثلا ..لاقدر الله..-على فكرة اكتر انسان بكرهه فى حياتى هوه المتكبر والمغرور- 
لالالالالا أنا مش مصدقة نفسى ..بقى انا خلصت ؟؟
هييييييه هيصوا ياولاد..الحمد لله تماااام كدة
وماااشى يا اسلام على الاسئلة السهلة دى ..بقالى اكتر من ساعة بفكر فيها..وادينى بقولك:
كل واحد وليه يوم
خااااف منى
وكل سنة وانتوا طيبين والسنة الجاية .......واللا بلااااش
الأحد نوفمبر 30, 2008 12:16 pm
ـــــك 
ـــــــــــــى
ـــــم 
ــــذبها
ااا 
عمرك حسيتى بالضعف قبل كده ؟؟ وامتى؟
خر شخص بتتذكريه قبل النووم؟؟؟
