كنت فين يا صايع لحد دلوقتى ؟؟

لما ترجع البيت متاخر

بعد المدرسة يتم أستقبالك بسؤال

(ماتفتحش صدرك زى العيال الصايعة )

وكأن لقب (صايع) لقباً مخيفاً نهرب منه

ومبقاش الصايع هو الواد اللى مش متربي

قليل الادب



اللى بيسقط دايماً وقاعد طول النهار على

القهوة وبيعلى صوتة على أهلة وبيسرق

فلوس

من ورا أهله علشان يجيب سجاير

هذا الشخص مابقاش أسمة صايع بقى

اسمة

(مغفل).



ودلوقتى بقي الصايع هو الشخص الناجح

اللى كل الناس بتتكلم عنه

الشخص اللى بيخلى الناس كلها مبهوره بيه

(الصايع)

هو النموذج والقدوة والمثل الاعلى

أحيانا .

ولقب (صايع ) مبيتقلش على الاشخاص بس

ده فيه حاجات كتير ممكن تقول عليها صايعه


يعنى الموبايل اللى فية كل الامكانيات اللى

محتاجها واللى بتحلم بيها .. يبقى

موبايل صايع .



ممكن تلاقى جون (صايع) عبارة عن جمله بين

3 لاعبين سريعة ورشيقة وغير متوقعة



ممكن تلاقى بوستر لألبوم لمطرب متصمم

بطريقة صايعة ومحطوط فى حتة صايعة



ممكن تشوف فيلم نهايته غير متوقعة ولما تمر

فى خيالك تبقى نهاية صايعة والسيناريست اللى

كتب الفيلم سيناريست صايع




وممكن تلاقى بلد يتقال عليها (بلد صايعة)

زى الصين اللى قدرت إنها تخترق مصر

بمنتجاتها


ويبقالها فى كل بيت مصرى 20 منتجاً على


الاقل وبالتالى يمكنك أن تقول إن

(الصين دول صايعيين قوى )






مبقتش كلمه صايع دى شتيمه دى بقت حاجه

الكل بيتمناها

ومش عارفه ايه اللى غير سمعة الكلمة 180

درجة .. متهيالى هى دى[size=25] الصياعة !





دلوقتى وأنا ضميرى مستريح اقدر اشجعك

عشان تكون (صايع )

بالمعنى الجديد للكلمة ..



و للصياعة بمفهومها الجديد


أداب يجب الالتزام بها حتى تستحق اللقب



-الصايع عمره مايقول على نفسة أنا صايع

عمرك شفت واحد ذكى ماشى يقول للناس

(أنا ذكى يا جماعة ) ؟



- الصايع يكرة الفهلوة لان الفهلوة سرقة

ومجرد أستغفال للناس

الصايع يحترم ذكاء الاخرين



-الصياعة تعتمد على الثقافة العامة فى كل

المجالات يكفيك أن تعرف


(حاجة عن كل حاجة )



- الحظ قد يقودك إلى القمة

والصياعة أن تحافظ عليها .



-الصياعة أن بالك يبقى طويل وماتبدأش

بالغلط وماتردش على اللى بيستفزك

لازم تسامح

الشخص اللى تقدر تنتقم منه بسهولة




- الصياعة إنك ماتكررش نفس الغلطة مرتين



- الصياعة

إنك تدى كل واحد حقة وتعرف قيمة اللى

قدامك بالضبط .



-الصياعة أنك تبقى فاهم كويس إنه

مش مهم إنك تغير الكون ..

المهم إنك تخلى الكون ما يغيركش



وفي الاخر الكل بقى نفسه يبقى ..صايع !!


انتوا مش نفسكوا برده ولا ايه ؟!!

[/size]

ههههههههههههههههههههههههه
لما يبقلك نفس ليكى انتى هيبقى لينا نفس احنا كمااااااااااااااان

مرررررررررسى جدااااااا على الموضوع الصااااااااايع دى
هههههههههههه

شكرا عالموضوع الهايل ده بس انا مش نفسى ابقى صايعه

ههههههههههههههه
شكرا على الموضوع الجامد ده
هههههه

هههههههههههههههههههه
شكراااااااااااااا على توضيح الصياعة

مشكوووووووووووووووووووره على الموضوع الممتاز ده
(وهو الواحد ايه غير امتيزات وشويه حجات فوق بعض)
ههههههههههههههههه

مرسسسسسسسى على الموضوع الهايل دا

ههههههههههههههههههههههههههههههههههه يا صايع انت يا صااايع
ميرررررررررررررررررررررررسي يا انوشه على التشجيع الصايع ده