قصة كفاح نجم الجيل تامر ( حوستى ) !

انا هخش في الموضوع على طول

اليومين
دول يا خوانا انا ملاحظ ان في سخط جامد على المشاهير الناس ساخطه جدا
عليهم .... مستخسرين فيهم القرش .... شوفتوا حتى القرش مستخسرينه

اذكر
مثلا .....:. بعد كاس افريقيا 2006 و كاس افريقيا 2008 لما لاعيبة الكوره
خدوا مكافآت بالعبيط .... بعض الناس مش هقول كلهم كان هيموتوا من الحقد
والسخط اللي جواهم على الناس دي

و أنا من موقعي هذا بوجه أنذار
شديد اللهجه لكل الناس الساخطه دي .... لازم يبطلوا يسخطوا على الناس دي
.... ماحدش يعرف الناس دي عملت ايه وتعبت وشقيت اد ايه عشان يوصلواللشهرة
اللي انتوا شايفينها

هقولكوا مثال ....:. هيفاء وهبي
أيوه هيفاء وهبي .... يا خوانا البنت دي اتبهدلت وشافت أيام سوده عشان توصل للمستوى ده من الشهرة وحب المعجبين وسخط الحاقدين

البنت
( هيفا ) كانت من عائله محافظه وكانوا بالبلدي فلاحين و أكبر دليل على
انها فلاحه _ غير الصوره _ الشكل ده يا خوانا و القالب ده مايطلعش في
المدن استحاله .... دي متربيه على الفطير و العسل و الجشطه

والدها
الحاج ابو هيفا علمها من صغرها حكمه جميله اوي و كلنا كنا بنسمعها في
الاذاعه المدرسيه كل يوم او يوم و يوم لانهم ساعات بيقولوا عصفورا في اليد
خيرا من 10 على الشجره المهم بلاش أخرج عن الموضوع الحكمه هي من جد وجد
ومن زرع حصد و من طلب العلا سهر الليالي

البنت اللي هي هيفا طبعا
عملت بالحكمه دي وكانت بطبقها بحذافيرها تطبيق أعمى كانت البنت قبل كل
ألبوم أو كليب أو حفله حتى سنجل كانت تروح تفحتلها فحتتين في الارض حداهم
وكانت بتسهر طبعا عمال على بطال سواء في ألبوم أو لأ.... وكانت بتتعب و
تعرق عشان كده وصلت للشهرة دي ..... العرق يا خوانا هو من أسرع السبل
للوصول للشهره او لنجاح أي عمل

مثال تاني عشان تقتنعوا اكتر مش حارمكوا من حاجه أهه ....:. الست نانسي

ياااااااااااي على الست نانسي البنت دي يا خوانا شافت النجوم في عز الضهر .... أشتغلت 100 شغلانه و طبعا أجادت في الكل

البنت كانت شغاله في القهوة بتاع ابوها الحاج أبو نانسي كانت بتقدم عروض أستعراضيه للزباين عشان الزباين تنبسط وتفرفش كده

القهوه كان أسمها ( مشروبات ساخنه يا ابو نانسي ) كانت مشهوره أوي وكان الشغل على ودنه لكن مفيش حاجه بتفضل على حالها

الحاج
أبو نانسي القهوه وقعت عليه في زلزال 92 و بقيت نانسي يتيمة الأب وعاشت مع
أمها الحاجه أم نانسي وبالرغم من الصدمه الشديده اللي حصلتلها لكن هي كانت
قويه وجامده جامده أوي يعني وفضلت تدور على شغل

ولأنها
تعبت وشقيت ولاد الحلال جابولها شغل في السيرك القومي و عملت شوية فلوس
حلوه أوي هناك لكن زي ما قلنا مفيش حاجه بتفضل على حالها

عملت نانسي حاجه وحشه أوي لا تغتفر فكان لازم تترفد من السيرك

اللي
حصل عشان ماحدش يفكر في حاجه كده ولا كده ..... أن في يوم من ذوات الايام
البنت نانسي كانت جعانه و ماكنش في أكل عندهم في الكومودينوا هي طبعا كانت
واخده على الجوع لكن المره دي كانت صابعها بيوجعها وماكنتش قادره تستحمل
الجوع فنزلت تحت عند أوضة المدير و هنا حصلت المشكله

و هي رايحه
لأوضة البيه المدير عدت على قفص الأسد ولقيت الأسد نايم ومديلها ضهره وكان
وراه حتة لاحمه كبيره فقالت في نفسها بقى الأسد ياكل لحمه واحنا مش لاقيين
ناكل والله خساره فيه

وراحت متسحبه و سارقة حتة اللحمه من وراء
الأسد ورجعت على أوضتها وكليتها لكن الحلو مايكملش القرد كان صاحي وقتها
وشاف كل حاجه وقال للأسد فالأسد قدم فيها شكوى للبيه المدير و قاله يا أنا
يا هي في السيرك ده فالمدير خضع له وطرد نانسي

أنا بس عايز أوضح
حاجه عشان الناس اللي بتخش في دماغها حاجات وحشه ان نانسي لما كانت رايحه
أوضة المدير .... كانت رايحه تدور على أكل في الكومودينو مش زي ما انتوا
فاهمين برضه ...الجوع كافر يا اخوانا

و لكن البنت ماوقعتش بعد
الصدمه اللي حصليتلها وأطردت ظلم بسببها من السيرك قعدت تدور على شغل لحد
مالقيت شغلانه محترمه أوي في أحد البيوت

وفضلت
تشتغل و تغسل تشتغل و تغسل و تسيب البيت ده وتروح البيت ده وتسيب البيت ده
وتروح البيت ده لحد ماوصلت للنجوميه دي عشان استعملت الطشط صدقوني الطشط
ده بيعمل عمايل وادينا شوفنا ولسه ياما هنشوف

آخر مثال وهو مشابه حدا للحاله اللي درسناها من شوية ( الست نانسي ) .....:. تامر حسني

شوفوا
الوش السمح و القلب الطيب و الابتسامه السحره والحواجب اللكميله أتأملوه
كده يا جماعه ..... الشاب ده يا اخوانا بيتعرض لسخط وكره رهيب دول
عاملينله مواقع وجروبات على الفيس بوك عن الهاترز وهو محبوب طبعا مفيش
كلام بس هو الوحيد اللي ليه جروبات ومواقع هاترز .... ليه كده يا خوانا
ليه بتكرهوا وتسخطوا وتحقدوا ليه مانحبش بعض

الشاب ده يا خوانا وصل للمرحله دي من غير أي شفرات ده لاعب الوحش مرتين وشرب المر واشتغل 1000 شغلانه لكن فشل فيهم كلهم

انا هجيبلكم حكايته من اولها عشان هو شاب زي المعظم والمفروض نتعلم من المواقف اللي بيتعرضلها

تامر
ده يا ولاد شاب زي أي شاب فينا وحس بكل حاجه بنحسها و مر بمعظم التجارب
اللي ممكن نمر بيها بعد ما خلص دراسته الثانويه العامه زيه زي معظم الشباب
نزل الميه يدور على شغل لكن لانه حظه وحش ملاقاش اي شغل فاضي في الميه

بعد
ماخلص جيشه بطلوع الروح زي ماحنا عارفين ... مارحش بقى قعد جمب أمه ......
للللللللللللللأ من تاني يوم العشا نزل يدور على شغل لف مصر كلها كعب داير
و زي ما حنا عارفين ان اللي بيتعب ربنا بيكرمه المهم ولاد الحلال دلوه على
طريقه

أبوه
الحاج أبو تامر كلمله عضو المجلس الموقر اللي في دايرتهم يجيبلوا أرض
زراعيه عشان يستصلحها .... العضو الموقر ماأتأخرش وجابله حته الارض اللي
أحنا شايفينها دي

الصراحه تامر حاول يستصلحها لكن فشل لأنه ماعندوش خبره في الزراعه فراح يدورله على مصلحه تانيه

ولاد
الحلال جابولوا شغلانه حلوه أوي عند سيده فاضله كان هيشتغل صبي عالمه ....
وقضى هناك معظم فترات حياته واتعلم كتير اوي ..... واتعلم برضه الغنا

لكن
تامر زيه زي أي شاب عنده أحاسيس ومشاعر و مش قادر يكبتها عشان البلاوي
اللي كان بيتفرج عليها و بسبب كتر الفرجه على الحاجات دي الواد مخه أتلحس

وأتقفش
و هو بيبص على ... مش هقول على أيه كان بيبص و خلاص فالست العالمه ملاقيتش
قدامها حل غير انها تطرده عشان تحمي نفسها وتحمي باقي البنات اللي معاها
من الفتنه و من القيل والقال فطردته

حبه
عين امه ماكنش مصدق وهرى نفسه عياط يا عيني كانت صعبانه عليه نفسه بعد ما
اتطرد ظلم من العالمه المفتريه وفضل محبوس في أوضته مكتئب مابيعملش غير 3
حاجات يعيط وياكل ويـ...

لكن
مفيش حاجه بتفضل على حالها أبوه وأمه ساعدوه ووقفوا جمبه لحد ما خرج من
الحاله اللي هو فيها دي .... لكن في يوم وهو قاعد في الاتوبيس قصدي واقف
في الاتوبيس صعبت عليه نفسه بقى بعد ماكنت بركب تاكسي انزل لمستوى
الاتوبيسات .... كله من العالمه المفتريه دي انا لازم أنتقم منها و قرر
الأنتقام

فجاب
أبوه وجاب الحتة بتاعته وفكروا في خطه عشان ينتقموا من المفتريه دي ووصلوا
لخطه فعلا واتفقوا انهم هينفذوها واشتروا العده وعملوا كل الترتيبات عشان
ينجحوا العمليه

لكن
كانت الكارثه انه أول مايروح الشقه عشان يخلص على العالمه يلاقي البوليس
مستنيه هناك ..... الظاهر ان في حد من رجالته بلغ عنه وخلي بيه

ودخل السجن ظلم واتبهدل هناك و اتضرب كتييييير

لكن بعد سلسله من المداولات اعتبرته المحكمه سارق مش قاتل ودي شوية صور له من المحكمه

[center][size=21]و بعد ما خرج من السجن ولاد الحلال لاقوله شغل حلوه اوي هيشتغل سواق أتوبيس

اشتغل مده مش قليله في الشغلانه دي وكانت الحياه حلوه والآشيه معدن لكن كالعاده مفيش حاجه بتفضل على حالها

طلع عليه شوية رجاله بلطجيه وثبتوه وخدوا منه الاتوبيس ..... هو حاول يقاوم

بس الرجاله دول كانوا شرده و كانوا كتير كمان وبعدين الكتره تغلب الشجاعه

وصاحب الاتوبيس أكتفى بطرده ومرداش يأذيه وفضل تامر يعيط ويعيط الواد حظه وحش مفيش شغلانه بتعمر معاه

لكن
كالعاده مفيش حاجه بتفضل على حالها تامر قدر يعرف أيه السبب في حظه الوحش
...... الحتة بتاعته كانت السبب هي اللي بلغت عن العمليه بتاع العالمه وهي
اللي اتفقت مع الرجاله الشرده عشان ياخدوا الاتوبيس و لحد حالا محدش يعرف
هي كانت بتعمل كده ليه ربنا يسامحها بقى

ودخل
اليأس قلبه و أختفى طموحه بقي حبيته اللي واكله معاه فول وفلالفل تعمل
معاه كده فعلا الدنيا ماعدتش فيها أمان و بقى عنه امه مدمر نفسيا و راضي
باي شغلانه يأكل منها فول و لانشون و ولاد الحلال جابوله شغلانه في بيت
عند ناس كده

ووصل للطشط

وفضل
يشتغل و يغسل يشتغل و يغسل و يسيب البيت ده ويروح البيت ده ويسيب البيت ده
ويروح البيت ده لحد ماوصل للنكوميه دي عشان استعمل الطشط عشان تعرفوا بركة
الطشط

واكمنه مشهور أوي فبيستغلوا أسمه في مجالات الاعلانات

مش هو بس على فكره نانسي كمان شغاله في الأعلانات لكن هناك فرق طبعا

أظن بعد المحاضره الطويله العريضه دي المفروض نتعلم حاجات كتير أهمها

1 . أن احنا نبطل سخط وحقد على الناس دول و ده اهم حاجه نتعلمها طبعا

2 . اللي عايز ربنا يكرمه في أي شغلانه مايمشيش ورا ولاد الحلال اللي بيجيبوا شغل للحالات اللي درسناها من شويه

3 . اللي عايز يبقى مشهور .... في طرق كتير ممكن يكون مشهور بيها أهمها طبعا الطشط .... بجد الطشط ده سره باتع
والعرق كمان يا خوانا مينفعش ننساه خالص

لو في حد عنده أي أستفاده تانيه يا ريت يقولها

ملحوظه
: في حالة وجود أي تشابه بين الشخصيات الموجوده في الموضوع و شخصيات
موجوده في الحقيقه سواء في الشكل أو الأسم أو حتى الأتنين معا فده مش غلط
المؤلف وانما مسؤلية الشخصيات الموجوده في الحقيقه

هههههههههههه يا عيني بصراااحه صعبان عليا الشاب المكاافح داا ..يا ريت كل الشبااب زيه هههههههههه

ههههههههههههههههههههههههههه
يا سلام علي الكفاح
هههههههههههههههههههههههه
هو ده الكفاح ولا بلاش
د

مشكووووووووووووووووووووووووووووووور على الموضوووووووووع

» بتكره تامر حسنى اذن انضم لرابطة كارهى تامر حسنى
» شبااااب وبناااات منتدي الجيل الجاي
» الموسوعه الهائله لكافه برامج الجيل الثالث 2
» حصرياً أعرف رصيدك من فودافون مجاناً على منتديات الجيل الجاى
» لو سمعت جملة من دول تبقى اكيد انت من الجيل بتاعنا.....جاااامدة اخر حاااجة