انواع الولاد علي النت
العاقل
لما يفتح ميكلمش حد.. يستني الكل يرحب بيه وهو يبتسم ويقول شكرا..
واذا حد بعت له فايل او رابط اغنية يحط له علامة استفهام ويسكت نص ساعه مايتكلموش..
ولما يكون متحمس في الكلام.. يكتب كل كلمة في سطر ويضغط انتر.. يخاف من الاخطاء الاملائيه.
وضحكته عبارة عن ابتسامه واذا كان مبسوط اووي يحط ثلاث ابتسامات.
المصلحجي!!
ميسلمش عليك الا مرة في الشهر.. يدخل عليك فجأه ويحط لك ورده.. مع انه كل يوم متواجد وساكت..
ويستخدم مشغول او في الخارج.. واذا احتاج مساعدة يدخل ويسلم عليك ويقول فينك من زمان مشفتكيش؟ مبتسأليش عليا ليه؟ وحشتيني وشوية تأليف برضه من النوع ده
محمد اخويا كل يوم يفتح واوصيه يبلغك السلام لاني مشغووول في الشغل ..
وبعد مايخلص مصلحته يقولك عن اذنك حروح اكمل شغل واخويا حيقعد مكاني
الرسمى !!
يرتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامه زي .. احترم نفسك.. او
رجاء دي امور خاصة بيه.. ولما تساليه ايه اخبارك؟ يرد انا كويس ويسكت.. واذا سلمت عليه يرد هاى ويسكت..
ولما تعطيه اهداء يقولك اشمعنا انا بالذات؟ .. واغلب وقته يقرا مواضيع في المنتديات
في قسم الرأي الاخر.. ويعشق برنامج الاتجاه المعاكس.ههههههههههههههههههه
المجنون!!
ده كل كلامه ضحك.. وكل شويه يكتب نكته ويضحك مع نفسه.. وضحكته طويله تقريبا تلت سطور..
واغلب كلامه بالصور.. يستخدم كل صور وغلطاته الاملائية كتيرة.. ويجمع عدة اشخاص في صفحة واحده.. ويتكلم عن ثلاثة مواضيع في وقت واحد....وكل شوية يغير الصورة الجانبيه.. .. ولون الخط ههههههههههه
الغلس!!
يغيب أيام طويلة متعرفيش بيروح فين ويرجع فجأة.. وكلماته مثل.. ايه اخبارك يا غلسه متزعليش من اخوكي انا بهزر
.. وثقافته ماتتعداش المتوسط .. وضحكته زي كده هع هع هع
..ويكتب بلون اسود لانه مايعرفش يغير الالوان ههههههههههه.
بقلظ !!
طباخ ممتاز ويحب يتكلم عن الاكل.. ودايما جعان.. ونقطة ضعفه الجالاكسي جواهر والمكرونة الاسباجيتي والرز الكابسه .. وقبل معاد العشا بساعه يكون مزاجه مش رايق ..
ولما ينادوه للعشا يقفل بسرعة البرق.. ههههههههههههههه..
ودائما يتكلم عن تجاربه الفاشلة في الريجيم .. مستحيل تشوفيه في النهار لان الجو حر.. اوقاته من العصر و طالع.
دمه خفيف ومرهف المشاعر وأقل موقف ممكن يبكيه.
البريئــ !!
عمره مايكبر وعقله مايتغيرش.. لسه طفل وعلى نياته.. يثق في كل الناس وبسرعة يتأثر.. وكل يوم يسألك عندك كام سنة؟
يعشق سبيس تون وبينك بانثر وهزيم الرعد و يحب يتكلم عن عاملتي ايه النهارده .. يتواجد في العصر و المغرب لانه بينام بدري.. ماعدا يوم الخميس طبعا
شعاره الدنيا حلوة.. احيانا يجيلك سكتة قلبية من غبائه ومع ذلك هو الاول في المدرسه.. لو بلغته باسرارك بيفضحك في كل المنتديات..
يخاف من الأرنب والقطه و أي شي يمشي على اربع رجلين.. حتى انتي لو بتمشي على اربعة بيخاف منك
الكذاب الاهبل
اسمه الحقيقي رجب . شعبان . عاطف . ممدوح .. ويجي على النت ويقول اسمي هاني او حماده او كيمو.. ودايما ينتقد و مايعجبهوش العجب.. واذا شافك مشغولة
الرد بيكون هوالشتايم وعامل نفسه ايه راجل وبيخاف عليكي لان كل الولاد مش كويسين وهو بس الي كويس الغيرة بتقتلوا ومش عايز تكلمي حد غيروا ليه عشان هو تقريبا معجب بيكي واحتمال يفكر يحبك وانتي طبعا لازم تسمعي كلامه ومتتخوليش على النت تاني عشان هو مش بيشك انك لو دخلتي تبقي بتكلمي ولاد وطبعا يقولك انا او النت وانتي بقى عبيطه وتختاريه هو وهو يدخل يشيت ويكلم غيرك وانتي فاكراه مش بيكلم حد غيرك
ههههههههههههههههه
تحتاري ازاى ترضيه.. تديه اغنية يقولك مابحبش الاغاني.. ..كل حاجة تضايقه وكل حاجة تزعله..
.. مايعرفش يجامل ولايمدح الا نفسه.. دايما يوصف نفسه بالرجولة والشباب والشياكة وان البنات كلها بتجري وراه..
ودي حكاية كل ولد شايف نفسه على النت
وكل واحد عارف نفسه
مع تحياتى
m.p
الخميس يونيو 18, 2009 11:33 pm
