سلسلة الفضيحة في مدرسة الزعيم جمال عبد الناصرالثانويه

على بركة الله هنبتدي نتكلم وندردش شوية على التهريج في مدرسة الزعيم جمال عبد الناصر وشركاه .. واحد هيسألني مين شركاه ؟؟ هقولك تابع معانا الحلقات وانت تعرف يا جميل ..

الحلقة الاولى

طلاب ديلفري (خدمة توصيل الطلاب إلى المدرسة)

اسد الغابة وصل المدرسة وطبعا كان مسئول كبير في التربية والتعلم، والمدرسة ما كنش فيها غير المديرة وبعض المدرسين الطيبيين وكام طالب من اولى ثانوي لزوم التعليم كده الحبيب المهم اتخضت ادارة المدرسة المبجلة وامرت شركائها في العملية التهريجية "التعليمية" بالاتصال ب 14 طالبة علشان يعملوا زحمة في المدرسة ومايبقاش شكلهم وحش قدام اسد الغابة كووول لكن علي مين يا حمو هموت الاسد قفش اللعبة الظريفة لان البنات طبعا جايين يتمختروا الساعة 8.30 واللى جابهم الشديد القوي اصلهم ياعيني واخدين على الراحة في البيوت والمذاكرة المنزلية ولامانع من زيارة المدرسة في المناسبات والاعياد للسلام على الاحباب والمدرسين اللى بقالهم فترة ما شافوهمش المهم اسد الغابة عمل الواجب واداهم المعلوم وهتفضل الاسئلة الحلوة ..

مين اللى بيدي الطلاب دول اجازات وبقية الطلاب بيطلع عينهم ويروحوا المدرسة وبرده مش عاجب بتوع المدرسة اللى بيتخانقوا معاهم وبيتشطروا عليهم بيعيط وزعلان ؟؟؟

على فكرة يا حبايبي واحد يسألني فين كان كتاكيت المدرسة ولاد سنة 3 ثانوي ؟؟ اقولهم علاء الدين محلفني اني مقولش لحد انهم بيهربوا من المدرسة وبيقضوا ليالي الملاح في البلاي ستيشن عنده وطبعا الاباء نايمين في نقط نقط نقط .. وبلاش اكتر عن كده والى اللقاء في الحلقة القادمة يا اصدقاء ..

الحلقة القادمة :

يا حلاوتك يا مدرس من غير تحضير ولا كشاكيل ..



[b]

ماشاء الله
لو الطلاب دول في مدرستي كان زمانهم مظبطين

بجد مش عارفة أقول إيه بس ...هوه ده اللي بيحصل فعلًا

مممممممممممممممممم
قولتلى دانتوا تمتام على الاخر
معلش
مشكور يا بيو

اموت واعرف بتوصل لك الاخبار دى من فين

الاخبار دى بتوصلوه من منتدى مودرن يادوب بيعمل كوبى وباست نسخ ولصق
ياخوانا المنتدى مش عشان تاخد اعلى ردود المنتدى عشان تفيد الناس
ومش لازم ان الموضوع عمل ردود كتيرة هناك يبقى هايعمل ردود كتيرة هنا
وانا اصلا معارض للموضوع ده[b]

مشكوووووووووووووووووووور يا بيبو هو ده بيحصل بجد بس مش لازم تشرك المدرسه كده وبعدين انت هتبقى فيها السنه الجايه

طب يااخونا واحنا زعلانين ليه مايعمل كوبى وباست زى مابتقولوا يمكن ناس ميقروش الكلام ده فى مودرن يقدروا يقروه فى الجيل الجاى مشكور يابيبو على المواضيع الجميلة دى بس على فكرة احنا مستمتعين بيها خلقة فى المدرسة اللى هتوحشنى وخصوصا اوضة الوكيل اللى انا متصاحب عليها

مشكورررررررررررر على الموضوع