احكيلنا حدوته .......

احكيلنا حدوتة

فاكر زمان لما كانت ماما بتحكيلك حدوتة
ولا لما كنت بتنام عند ستو او جدوا
وتنام في حضنهم وتعيط عشان يحكولك حدوتة

ولا فاكر لما كنت في الحضانة والمس بتحكيلك حدوتة

اومثلا اخوك الصغير فضل يعيط عشان تحكيلة حدوتة
فاانت اتفزلكت وألفت حدوتة

او اي حد قالك حدوتة جميل فيها فايدة

ياريت تيجي تقولهالنا
وعايزين نسمع منك حدوتة

هههههههههههههههههه

موضوع جديد وفكرته اجدد بس للأسف انا مش بعرف احكي حواديت ..حد يساعدنا ويحكي قصه طريفه وا حزينه ..اي حاجه

الموضوع جميل
والفكره روعه
بس للاسف مش بعرف احكى حوديت
يرت حد يجى ويحكى

ايه يا شباب معقوله محدش عارف يحكى حدوته
يا خساره وقت تيته وجدو وماما
خلاص انا هحكيلكم حدوته بس يا ريت
المره الجايه حد غيرى يفتكر اى حدوته

هى حدوته تاج الجزيره اكيد كلكم عارفينها

كان يا مكان آيام زمان فى راجل اسمه عم مرزوق العتقى
وكان عنده 12 بنت و ولد
وكان فقير جداً عم مرزوق
وكان كمان فى عم على وكان غنى جداً وطماع
وكان ديما يتريق على عم مرزوق العتئى لمه كان ياخد السلطنيه
بتعته المخرومه كل يوم ويروح يشترى فول لاولاده
وكان يتغاظ كتير لمه يشوف عم مرزوق يضحك بليل مع اولاده
ويقول شوف الراجل مش لاقى يأكل اولاده
وعمال يضحك جيله نفس يضحك وهوه كل يوم يأكلهم فول فى السلطنيه المخرمه
بتعتو
المهم عم مرزوق فى يوم من ذات الايام شايل السلطنيه بتعتو المخرومه وى
رايح يشترى
الفول كاالعده علشان اولاده سمع منادى بيقول يا قوم فى سفينه رايحه بلاد
الشام
وإلى عايذ يبحر معانه يجى فراح عم مرزوق حاتط السلطنيه على دماغهوى ربطه
زى ما يكون طقيه
وركب السفينه وبعد 3 ايام فى البحر قامت عاصفه جامده جداً قلبت السفينه
وغرقت فى البحر
ومات كل إلى على السفينه ومنجاش منه حد غير عم مرزوق والسلطنيه كان متعلق
فى
خشبه المهم اغمى عليه ولمه فاق لاقه نفسه فى جزيره كل الناس إلى فيه عرايه
من غير ملابس
فالناس دى اتلمت حواليه وبعد كدا اتقدم ليه كبير الجزيره وخبطو بالعصايه
فى زراعه
فقال عم مرزوق انا فين فرد عليه الراجل الكبير بتاع الجزيره
قال له انت فى بحر الظلمات فرد عم مرزوق قال يا لطيف اللطف يا رب
وبعد كدا قال الراجل لعم مرزوق انت مين عدو ولا حبيب
فقال عم مرزوق لا والنبى حبيب فقال الراجل لمه انت حبيب فين الهدايه فقال
هدايه
مش معايه غير السلطنيه وأدهاله فالراجل فرح جداً بالسلطنيه
وراح لبسه فى دماغه وعمله تاج للجزيره
فالراجل حب يجازى عم مرزوق عمله سفينه وحطلو فيه دهب وى مجوهرات
وخلاه يركب السفينه ويروح
ولمه روح عم مرزوق اشترى بيت كبير ومحلات كتير وبقى غنى
فلمه شافه عم على الطماع إلى كان بيضحك عليه لمه كان بيشترى الفول
فإستغرب وسئل عم مرزوق انت عملت إيه وبقيت غنى كدا
فا عم مرزوق حكاله حكيتو
فاعم على الطماع عرف مكان الجزيره فراح يبيع كل المحلات بتعتو واشترى
بالفلوس
ملابس كتير وراح للجزيره يده لكبير الجزيره هديه علشان ياخد مكنه دهب
ومجوهرات
ولمه قدمه لكبير الجزيره حب يرد ليه الهديه
فقال ليه انا مش عارف اعمل معاك ايه انت راجل كريم
مفيش غير تاج الجزيره اقد مهولك هديه فا عم على قال السلطنيه لالالالالا
وخلصت الحدوته حلوه ولا ملتوته ......ولا نقول نمتو ولا لسه؟؟؟؟؟؟

بجد هى حدوته جميله جدا
ومعنها اجمل بس انا بردو مش بعرف احكى حدوته
مرسى ليكى شيراز