تعالو نشوف المشرفه love4 everوهى قرفانه

تعالو نشوف المشرفه love4ever وهى قرفانه من الاشراف بتقول ايه


بصو بقى يا اعضاء المنتدى
انتبهولى كده وصحصحوا الساعة دلوقتى
سبعة الصبح
ولسه منمتش بسببكم
هتجننونى خليتوا شعرى يقع من كتر ما شديت فيه
بصوا
من النهاردة ومن الساعة دى
مفيش زفت مواضيع محدش يكتب مواضيع هنا
عايزين تكتبو حاجة اكتبوها بره مش هنا
مش طالباكوا بقولكوا
ولو حد ناوى يكتب مواضيع يكتب
موضوعين بالكتير اوى
وليه موضوعين خليها موضوع واحد كفاية
وليه تكتبوا اصلا
متكتبوش اعملو اللى قولتلكوا عليه واكتبو بره مش هنا
مش ناقصين والنبى
كل شوية موضوع مخالف ومتكرر وبلاوى زرقة
ارحمونى
قرفتونى فى عيشتى حرام عليكوا
كان يوم مليان رعد وبرق وزعابيب
يوم ما مسكت الاشراف
سيبونى فى حالى
انت ياللى بتزعر بعنيك انت ايوة بتبص
عالموضوع بقرف كده ليه
مش عاجبك؟
طب اعمل حسابك بقى ان مواضيعك كلها مخالفة
هاه ومنـتش معتبها تانى
يا انا يا انت فى المنتدى
مش عرفين نربيككوا وله ايه
تعبتونى الله يتعبكوا
وليكن فى معلومكوا اللى هيعترض
هغوزه
مش هسيبه الا وهو متعور
واللى مش عاجبه ميتكلمش اساسا
يتكلم ليه
وكمان مفيش ردود على اى مواضيع
اللى عايز يرد يدفع نص جنيه فى الخزنة برة وبعدين يرد
هو ده النظام
وقائمة الاسعار هتنزل قريب
وشوفوا أما اقولكم
توقيعات ملهاش لازمة مش عايزين
يعنى تخش هنا بأ دبك
ومتتكلمش
ولو نكته عجبتك متضحكش تضحك
ليه اساسا مش عايزة اسمع صوتك
داخلين القسم نهزر بقى ولا ايه
وبعدين وانت بتقرى الموضوع ده
تربع ايدك وتنزل ايدك من عالماوس اساسا
وتبص عدل
بلاش التتنيحة دى
ولا رفعة الحواجب
لحسن انا عرفاكوا مبتجوش غير
بالعين الحمرا
انا حزرت اهو
اللى مش هيلتزم باللى قولته
هطلعهولكوا قـتـيل



سورى متزعليس منى لازم تستحملينا شويه

هه هه هه هه هه
كل ده عشان ايه يعنى
قرفانة

هههههههههههههههههه
يعنى انتى مش كدة فعلا

هههههههههههههه يا جامد يا كذا نوفا .... لا بقى انا بصراحه مصدقك

هههههههههههههههههههههههههههههههه

هههههههههههههههههههههههههه لا استلامه من االاخر